Мәмлекетимиздиң көп тәреплеме бирге ислесиў перспективалары және де кеңейип бармақта. Соның ишинде, Өзбекстан ҳәм Қатар арасындағы байланыслар сиясий, экономикалық ҳәм мәдений жақтан және де беккемленбекте. Еки мәмлекет дөретиўшилик топарлары халықаралық фестиваль ҳәм таңлаўларда белсене қатнасып, мүнәсип тән алыўларға ылайық көрилгени де әйне ҳақыйқат.

Қатар пайтахты Доха қаласында Өзбекстан-Қатар Муўапықластырыўшы кеңесиниң биринши мәжилиси болып өтти. Бул сөйлесиўде мәденият тараўында Өзбекстан ҳәм Қатар арасындағы көп тәреплемели шерикликти және де раўажландырыўға хызмет ететуғын жаңа жойбарлар, мақсетлер ҳәм тийкарғы бағдарлар белгилеп алынды.

“Араб ҳәм өзбек мәденияты бир-бири менен әзелден үзликсиз байланысқан. Мәмлекетлеримиздиң халқы көп әсирлер түрли тараўларда бирге ислесип, үзликсиз байланыс жасап келген. Биз буны миллий қәдирият ҳәм дәстүрлеримиздиң өз-ара уқсаслығында, мине, усы комплекстиң архитектурасында да көрип турмыз. Қатар Мәмлекети Әмириниң Өзбекстанға сапары шеңберинде қол қойылған “Өзбекстан Республикасы Ҳүкимети ҳәм Қатар Мәмлекети Ҳүкимети арасында мәдений бирге ислесиў ҳаққында меморандум» әмелий бирге ислесиўимиздиң ҳәрекетлендириўши күши сыпатында  хызмет етпекте, деди.

Сөйлесиўде қатнасқан Өзбекстан Республикасы мәденият министриниң биринши орынбасары Авазхон Тожихонов.

Сондай-ақ, ушырасыў даўамында 2026-жылы Қатарда “Өзбекстан мәденияты ҳәм көркем өнери күнлери”н шөлкемлестириў, Өзбекстан Республикасы ҳүкимети ҳәм Қатар мәмлекети ҳүкимети арасында мәденият тараўында бирге ислесиў ҳаққындағы меморандумның 2026-2027-жылларға мөлшерленген орынлаў бағдарламасына қол қойыў, еки мәмлекетте өткерилетуғын халықаралық таңлаў ҳәм фестивальларда ўәкиллеримиздиң өз-ара қатнасыўын турақлы тәмийинлеў сыяқлы усыныслар билдирилди.

Сондай-ақ, өнерментшилик ҳәм туризм тараўларында тығыз бирге ислесиўди беккемлеў, жаңа мәлимлеме технологияларынан пайдаланған ҳалда мәденият ҳәм көркем өнер тараўында өз-ара тәжирийбе арттырыў курсларын шөлкемлестириў сыяқлы мәселелерге итибар қаратылды, мәденият министрлиги мағлыўматында.

Сөйлесиўден соң, мәденият министриниң биринши орынбасары Авазхон Тожихонов ҳәм Қатар мәденият министриниң бас хаткери Гҳанем Бин Мубарак Ал-Али арасында бирге ислесиў бойынша  ушырасыўы болып өтти.

А.РУСТАМОВ, ӨзА