Mámleketimizdiń kóp tárepleme birge islesiw perspektivaları jáne de keńeyip barmaqta. Sonıń ishinde, Ózbekstan hám Qatar arasındaǵı baylanıslar siyasiy, ekonomikalıq hám mádeniy jaqtan jáne de bekkemlenbekte. Eki mámleket dóretiwshilik toparları xalıqaralıq festival hám tańlawlarda belsene qatnasıp, múnásip tán alıwlarǵa ılayıq kórilgeni de áyne haqıyqat.

Qatar paytaxtı Doxa qalasında Ózbekstan-Qatar Muwapıqlastırıwshı keńesiniń birinshi májilisi bolıp ótti. Bul sóylesiwde mádeniyat tarawında Ózbekstan hám Qatar arasındaǵı kóp táreplemeli sheriklikti jáne de rawajlandırıwǵa xızmet etetuǵın jańa joybarlar, maqsetler hám tiykarǵı baǵdarlar belgilep alındı.
“Arab hám ózbek mádeniyatı bir-biri menen ázelden úzliksiz baylanısqan. Mámleketlerimizdiń xalqı kóp ásirler túrli tarawlarda birge islesip, úzliksiz baylanıs jasap kelgen. Biz bunı milliy qádiriyat hám dástúrlerimizdiń óz-ara uqsaslıǵında, mine, usı komplekstiń arxitekturasında da kórip turmız. Qatar Mámleketi Ámiriniń Ózbekstanǵa saparı sheńberinde qol qoyılǵan “Ózbekstan Respublikası Húkimeti hám Qatar Mámleketi Húkimeti arasında mádeniy birge islesiw haqqında memorandum» ámeliy birge islesiwimizdiń háreketlendiriwshi kúshi sıpatında xızmet etpekte, dedi.
Sóylesiwde qatnasqan Ózbekstan Respublikası mádeniyat ministriniń birinshi orınbasarı Avazxon Tojixonov.
Sonday-aq, ushırasıw dawamında 2026-jılı Qatarda “Ózbekstan mádeniyatı hám kórkem óneri kúnleri”n shólkemlestiriw, Ózbekstan Respublikası húkimeti hám Qatar mámleketi húkimeti arasında mádeniyat tarawında birge islesiw haqqındaǵı memorandumnıń 2026-2027-jıllarǵa mólsherlengen orınlaw baǵdarlamasına qol qoyıw, eki mámlekette ótkeriletuǵın xalıqaralıq tańlaw hám festivallarda wákillerimizdiń óz-ara qatnasıwın turaqlı támiyinlew sıyaqlı usınıslar bildirildi.
Sonday-aq, ónermentshilik hám turizm tarawlarında tıǵız birge islesiwdi bekkemlew, jańa málimleme texnologiyalarınan paydalanǵan halda mádeniyat hám kórkem óner tarawında óz-ara tájiriybe arttırıw kursların shólkemlestiriw sıyaqlı máselelerge itibar qaratıldı, mádeniyat ministrligi maǵlıwmatında.
Sóylesiwden soń, mádeniyat ministriniń birinshi orınbasarı Avazxon Tojixonov hám Qatar mádeniyat ministriniń bas xatkeri Ghanem Bin Mubarak Al-Ali arasında birge islesiw boyınsha ushırasıwı bolıp ótti.

A.RUSTAMOV, ÓzA