Дүнья футбол ықласбентлери Европа континентинде күшли беслик чемпионатлары басланыўын интизарлық пенен күтпекте.

Гәп сонда, бүгин 15-август күнинен баслап күшли беслик чемпионатлары старт алады ҳәм май айына шекем қызғын беллесиўлер өткериледи. Анығырағы, бүгин усы футбол мәўсимин Испания Ла-лигасы баслап береди. Бул чемпионаттың дәслепки ойыны бүгин “Жирона” ҳәм “Райо Валекано” командалары арасында болып өтеди.

20-август күнине шекем даўам ететуғын чемпионаттың биринши турында “Вилярреал” – “Оведо”, “Мальорка” – “Барселона”, “Алавес” – “Леванте”, “Валенсия” – “Реал Соседад”, “Селта” – “Хетафе”, “Атлетик” – “Севиля”, “Эспаньол” – “Атлетико”, “Эльче” – “Бетис” ҳәм “Реал Мадрид” – “Осасуна” ушырасыўларына гүўа боламыз.

Сондай-ақ, бүгин Франция Лига 1 чемпионатында да биринши тур өткериледи. Онда “Ренн” командасы “Марсель” менен өз-ара беллеседи. Сондай-ақ, усы тур даўамында “Ланс” – “Лион”, “Монако” – “Ле-Авр”, “Ницса” – “Тулуза”, “Брест” – “Лилл”, “Анже” – “Париж ФЦ”, “Мес” – “Страсбург”, “Осер” – “Лориент”, “Нант” – “ПСЖ” ушырасыўлары өткериледи.

Мағлыўмат орнында: Англия Премер-лигасы 16, Германия Бундеслигасы 22 ҳәм Италия А сериясы 23-август күни басланады.

Жавоҳир Тошхўжаев,

ӨзА