Dúnya futbol ıqlasbentleri Evropa kontinentinde kúshli beslik chempionatları baslanıwın intizarlıq penen kútpekte.

Gáp sonda, búgin 15-avgust kúninen baslap kúshli beslik chempionatları start aladı hám may ayına shekem qızǵın bellesiwler ótkeriledi. Anıǵıraǵı, búgin usı futbol máwsimin Ispaniya La-ligası baslap beredi. Bul chempionattıń dáslepki oyını búgin “Jirona” hám “Rayo Valekano” komandaları arasında bolıp ótedi.
20-avgust kúnine shekem dawam etetuǵın chempionattıń birinshi turında “Vilyarreal” – “Ovedo”, “Malorka” – “Barselona”, “Alaves” – “Levante”, “Valensiya” – “Real Sosedad”, “Selta” – “Xetafe”, “Atletik” – “Sevilya”, “Espanol” – “Atletiko”, “Elche” – “Betis” hám “Real Madrid” – “Osasuna” ushırasıwlarına gúwa bolamız.
Sonday-aq, búgin Franciya Liga 1 chempionatında da birinshi tur ótkeriledi. Onda “Renn” komandası “Marsel” menen óz-ara bellesedi. Sonday-aq, usı tur dawamında “Lans” – “Lion”, “Monako” – “Le-Avr”, “Nicsa” – “Tuluza”, “Brest” – “Lill”, “Anje” – “Parij FC”, “Mes” – “Strasburg”, “Oser” – “Lorient”, “Nant” – “PSJ” ushırasıwları ótkeriledi.
Maǵlıwmat ornında: Angliya Premer-ligası 16, Germaniya Bundesligası 22 hám Italiya A seriyası 23-avgust kúni baslanadı.

Javohir Toshxwjaev,
ÓzA