Дунё футбол ихлосмандлари Европа қитъасида кучли бешлик чемпионатлари бошланишини интиқлик билан кутмоқда.

Гап шундаки, бугун 15 август кунидан бошлаб кучли бешлик чемпионатлари старт олади ва май ойига қадар шиддатли беллашувлар ўтказилади. Аниқроғи, бугун ушбу футбол мавсумини Испания Ла-лигаси бошлаб беради. Мазкур чемпионатнинг илк ўйини бугун “Жирона” ва “Райо Вальекано” жамоалари ўртасида ўтади.

20 август кунига қадар давом этадиган чемпионатнинг биринчи турида «Вильярреал” — “Овьедо”, «Мальорка” — “Барселона”, «Алавес” — “Леванте”,  «Валенсия” — “Реал Сосьедад”, «Сельта” — “Хетафе”, “Атлетик” — “Севилья”, «Эспаньол” — “Атлетико”, «Эльче” — “Бетис” ва «Реал Мадрид” — “Осасуна” учрашувларига гувоҳ бўламиз.

Шунингдек, бугун Франция Лига 1 чемпионатида ҳам илк тур ўтказилади. Унда “Ренн” жамоаси “Марсель” билан ўзаро тўқнашади. Шунингдек, ушбу тур мобайнида “Ланс” — “Лион”, “Монако” — “Ле-Авр”, “Ницца” — “Тулуза”,  “Брест” — “Лилль”,  “Анже” — “Париж FC”, “Мец” — “Страсбург”, “Осер” — “Лориент”, “Нант” — “ПСЖ” учрашувлари ўтказилади.

Маълумот ўрнида: Англия Премьер-лигаси 16, Германия Бундеслигаси 22 ва Италия А серияси 23 август куни бошланади.

Жавоҳир Тошхўжаев,

ЎзА