Өзиниң бир неше жыллық тарийхына ийе «Айқулаш» Қарақалпақ мәмлекетлик миллий фольклор ансамбли тек ғана елимизде емес ал, сырт мәмлекетлерге де кеңнен белгили. Бир неше мәрте халықаралық таңлаўлардың жеңимпазы болған ансамбль жәмәәти ҳәзирги ўақытта Италияның Viesta қаласында өткерилип атырған халықаралық фольклор фестивалына қатнаспақта.

Күни кеше фестивальдың ашылыў мәресими ҳәм фестиваль шеңберинде баспасөз конференциясы болып өтти. Өткерилген илажларға Өзбекстанның Италиядағы елшиси Абат Файзуллаев, Қарақалпақстан Республикасы Министрлер Кеңеси Баслығының орынбасары Расул Зарикеев, Қарақалпақстан Республикасы Мәденият министри Бегис Темирбаевлар қатнасты.

Мағлыўмат ушын, Италияда өткерилип атырған фестивальда 10 нан аслам фольклор жәмәәтлери, сондай-ақ, мәденият министрлери менен елшилери қатнаспақта.

Қарақалпақстан хабар агентлиги