Óziniń bir neshe jıllıq tariyxına iye «Ayqulash» Qaraqalpaq mámleketlik milliy folklor ansambli tek ǵana elimizde emes al, sırt mámleketlerge de keńnen belgili. Bir neshe márte xalıqaralıq tańlawlardıń jeńimpazı bolǵan ansambl jámááti házirgi waqıtta Italiyanıń Viesta qalasında ótkerilip atırǵan xalıqaralıq folklor festivalına qatnaspaqta.

Kúni keshe festivaldıń ashılıw máresimi hám festival sheńberinde baspasóz konferenciyası bolıp ótti. Ótkerilgen ilajlarǵa Ózbekstannıń Italiyadaǵı elshisi Abat Fayzullaev, Qaraqalpaqstan Respublikası Ministrler Keńesi Baslıǵınıń orınbasarı Rasul Zarikeev, Qaraqalpaqstan Respublikası Mádeniyat ministri Begis Temirbaevlar qatnastı.
Maǵlıwmat ushın, Italiyada ótkerilip atırǵan festivalda 10 nan aslam folklor jámáátleri, sonday-aq, mádeniyat ministrleri menen elshileri qatnaspaqta.

Qaraqalpaqstan xabar agentligi