Усы жылдың 1-2-июль күнлери ески Хийўа қаласында “Жаңа горизонтларды излеп: сөйлесиўден биргеликтеги ҳәрекетлерге шекем” атамасында биринши Өзбекстан – Әзербайжан парламентлераралық форумы өткериледи.

Онда Өзбекстан Республикасы Олий Мажлиси ҳәм Әзербайжан Республикасы Миллий Межлиси ағзалары және еки мәмлекеттиң Жаслар парламентлериниң ўәкиллери қатнасады.

Форумның мақсети парламентлераралық бирге ислесиўди кеңейтиў, нызам дөретиўшилиги ҳәм парламентлик қадағалаў тараўында тәжирийбе алмасыў, сондай-ақ, жоқары дәрежеде ерисилген келисимлерди әмелге асырыўға жәрдемлесиўден ибарат.

Форум жуўмақлары бойынша стратегиялық шерикликти буннан былай да беккемлеў, тийкарғы тараўларда еки тәреплеме бирге ислесиўди кеңейтиў, сондай-ақ, биргеликтеги басламаларды нәтийжели әмелге асырыў бойынша ҳуқықый тийкарларды жетилистириўге қаратылған жуўмақлаўшы ҳүжжеттиң қабыл етилиўи күтилмекте.

Норгул АБДУРАИМОВА,

 ӨзА