Usı jıldıń 1-2-iyul kúnleri eski Xiywa qalasında “Jańa gorizontlardı izlep: sóylesiwden birgeliktegi háreketlerge shekem” atamasında birinshi Ózbekstan – Ázerbayjan parlamentleraralıq forumı ótkeriledi.

Onda Ózbekstan Respublikası Oliy Majlisi hám Ázerbayjan Respublikası Milliy Mejlisi aǵzaları jáne eki mámlekettiń Jaslar parlamentleriniń wákilleri qatnasadı.
Forumnıń maqseti parlamentleraralıq birge islesiwdi keńeytiw, nızam dóretiwshiligi hám parlamentlik qadaǵalaw tarawında tájiriybe almasıw, sonday-aq, joqarı dárejede erisilgen kelisimlerdi ámelge asırıwǵa járdemlesiwden ibarat.
Forum juwmaqları boyınsha strategiyalıq sheriklikti bunnan bılay da bekkemlew, tiykarǵı tarawlarda eki tárepleme birge islesiwdi keńeytiw, sonday-aq, birgeliktegi baslamalardı nátiyjeli ámelge asırıw boyınsha huqıqıy tiykarlardı jetilistiriwge qaratılǵan juwmaqlawshı hújjettiń qabıl etiliwi kútilmekte.

Norgul ABDURAIMOVA,
ÓzA