Жыл басынан 867 «аўыр» категориядағы мәҳәллеге суў шығарыў ушын 1,4 триллион сум берилди. Оның есабынан 662 мың шаңарақтағы  улыўма 80 мың гектар қыйтақ жерге 25-30 жыл ишинде биринши мәрте суў жетип барды.

Бирақ дәраматлы егин егип, 2-3 мәрте зүрәәт алыў үйретилмей атырғаны атап өтилди.

“Қыйтақ жерге суў жеткериў ушын жумсалған 1 сум есабынан кеминде 2-3 сумлық өним жаратылса, 662 мың шаңарақ мәўсимде қосымша 5-6 миллион сум дәрамат көреди!”

– деди мәмлекетимиз басшысы.

Мысал ушын, Қарақалпақстандағы 89 мәҳәллеге 150 миллиард сум берилген. Жуўапкерлерге бул мәҳәллелерде қыйтақ жерден 350-400 миллиард сумлық қосымша өним алыў бойынша система жаратыў тапсырылды.

Қарақалпақстан хабар агентлиги