Jıl basınan 867 «awır» kategoriyadaǵı máhállege suw shıǵarıw ushın 1,4 trillion sum berildi. Onıń esabınan 662 mıń shańaraqtaǵı ulıwma 80 mıń gektar qıytaq jerge 25-30 jıl ishinde birinshi márte suw jetip bardı.

Biraq dáramatlı egin egip, 2-3 márte zúráát alıw úyretilmey atırǵanı atap ótildi.
“Qıytaq jerge suw jetkeriw ushın jumsalǵan 1 sum esabınan keminde 2-3 sumlıq ónim jaratılsa, 662 mıń shańaraq máwsimde qosımsha 5-6 million sum dáramat kóredi!”
– dedi mámleketimiz basshısı.
Mısal ushın, Qaraqalpaqstandaǵı 89 máhállege 150 milliard sum berilgen. Juwapkerlerge bul máhállelerde qıytaq jerden 350-400 milliard sumlıq qosımsha ónim alıw boyınsha sistema jaratıw tapsırıldı.

Qaraqalpaqstan xabar agentligi