Мәмлекетимиз мектепке шекемги ҳәм мектеп билимлендириўи  министри Ҳилола Умарова елимизде сапар менен болып турған Польша Республикасы билимлендириў министри  Барбара Новская менен ушырасты.

Сөйлесиў ўақтында  STEM  (илим, технология, инженерлик, математика) бағдары, билимлендириўде санластырыў ҳәм мәлимлеме технологиялары, биргеликтеги билимлендириў жойбарлары, оқыўшыларды кәсипке үйретиў, педагогикалық  жоқары билимлендириў мәкемелери менен бирге ислесиў сыяқлы  мәселелер додаланды.

Ушырасыўда “Perspektywy Women in Tech”  билимлендириў қоры Бианка  Сивинска ҳүрметли мийман сыпатында қатнасты.

Сөйлесиў даўамында гендер теңликти беккемлеў, тараўда ҳаял-қызлар жетекшилигиниң потенциалын арттырыўға қаратылған халықаралық басламалар, атап айтқанда, глобал “TechWomen”  тармағы имканиятынан биргеликте пайдаланыўға келисип алынды.

– Өзбекстан региондағы тийкарғы бирге ислесиўшимиз, – деди Барбара Новская. – Билимлендириў  де экономиканың  бир бөлеги есапланады. Республика жоқары билимлендириў мәкемелеринде педагогика бағдары бойынша алып барылып атырған реформалар биз ушын  оғада қызық.

Польша менен мектепке шекемги ҳәм мектеп билимлендириўи тараўындағы шериклик  биринши мәрте жолға қойылғанын атап өтиў зәрүр.

М. Пирматова, ӨзА