Уллы Британия ҳүкимети порталында жәрияланған жаңа стратегиялық қорғаныў шолыўында Қытайға «қурамалы ҳәм турақлы машқала» сыпатында төмендеги сыпатлама берилген:

– Қытай – қыйын ҳәм турақлы шақырық. Пекин Ҳинд-Тыныш океаны регионында үстемлик етиў, АҚШтың тәсирине зыян жеткериў ҳәм халықаралық тәртипке басым өткериў ушын экономикалық, технологиялық ҳәм әскерий имканиятынан барған сайын көбирек пайдаланбақта. Қытай технологиясының тарқалыўы Лондон ушын қәўипли, себеби армиямыз дүньяның қәлеген жеринде әмелият өткергенде тап усы машқалаға дус келеди. Бул мәмлекет жансызлық ҳәм киберҳүжимди даўам еттирип, турақлы түрде алдыңғы технологияға нызамлы ҳәм нызамсыз қураллар арқалы интеллектуаллық мүлк ҳуқықын берип келмекте. Сондай-ақ, Қураллы Күшлерди кең көлемли ҳәм жедел модернизациялаўға кирискен.

Жаңа стратегиялық қорғаныў шолыўы Патшалық тәрепинен 2027-жылға келип әскерий қәрежетти жалпы ишки өнимниң 2,5 процентине шекем арттырыў режелестирилип атырған бир ўақытта басып шығарылды. Ҳүжжетте қорғаныў сиясаты бойынша усыныслар да сәўлеленген.

Алдынғы шолыў 2021-жылы жәрияланған ҳәм Россия-Украина қарама-қарсылығы ҳәўиж алғаннан соң қайта көрип шығылған.

Қарақалпақстан хабар агентлиги