Ullı Britaniya húkimeti portalında járiyalanǵan jańa strategiyalıq qorǵanıw sholıwında Qıtayǵa «quramalı hám turaqlı mashqala» sıpatında tómendegi sıpatlama berilgen:

– Qıtay – qıyın hám turaqlı shaqırıq. Pekin Hind-Tınısh okeanı regionında ústemlik etiw, AQShtıń tásirine zıyan jetkeriw hám xalıqaralıq tártipke basım ótkeriw ushın ekonomikalıq, texnologiyalıq hám áskeriy imkaniyatınan barǵan sayın kóbirek paydalanbaqta. Qıtay texnologiyasınıń tarqalıwı London ushın qáwipli, sebebi armiyamız dúnyanıń qálegen jerinde ámeliyat ótkergende tap usı mashqalaǵa dus keledi. Bul mámleket jansızlıq hám kiberhújimdi dawam ettirip, turaqlı túrde aldıńǵı texnologiyaǵa nızamlı hám nızamsız qurallar arqalı intellektuallıq múlk huqıqın berip kelmekte. Sonday-aq, Qurallı Kúshlerdi keń kólemli hám jedel modernizaciyalawǵa kirisken.
Jańa strategiyalıq qorǵanıw sholıwı Patshalıq tárepinen 2027-jılǵa kelip áskeriy qárejetti jalpı ishki ónimniń 2,5 procentine shekem arttırıw rejelestirilip atırǵan bir waqıtta basıp shıǵarıldı. Hújjette qorǵanıw siyasatı boyınsha usınıslar da sáwlelengen.
Aldınǵı sholıw 2021-jılı járiyalanǵan hám Rossiya-Ukraina qarama-qarsılıǵı háwij alǵannan soń qayta kórip shıǵılǵan.

Qaraqalpaqstan xabar agentligi