Таиланд пайтахты Бангкок қаласында бокс бойынша Thailand Open халықаралық турнири болып өтпекте.

Оған бокс спорты раўажланған дүньяның көплеген мәмлекетлеринен күшли боксшилер қатнаспақта.

Сол спортшылар арасында Өзбекстан сайланды командасы қурамында -60 кг салмақта республикамыз ўәкили Мадияр Данияров та табыслы түрде қатнаспақта.

Атап айтқанда, ол жарыстың дәслепки басқышында украиналы Власиук Максимни 3:2 есабында жеңген болса, бүгин филлипинли Жон Наполести 5:0 есабында жеңип, кейинги басқышқа жолламаны қолға киргизди.

Боксшимизге алдағы беллесиўлерде де әўмет яр болыўын тилеп қаламыз!

Адилбай Оразов,

Қарақалпақстан хабар агентлиги шолыўшысы