Tailand paytaxtı Bangkok qalasında boks boyınsha Thailand Open xalıqaralıq turniri bolıp ótpekte.

Oǵan boks sportı rawajlanǵan dúnyanıń kóplegen mámleketlerinen kúshli boksshiler qatnaspaqta.
Sol sportshılar arasında Ózbekstan saylandı komandası quramında -60 kg salmaqta respublikamız wákili Madiyar Daniyarov ta tabıslı túrde qatnaspaqta.
Atap aytqanda, ol jarıstıń dáslepki basqıshında ukrainalı Vlasiuk Maksimni 3:2 esabında jeńgen bolsa, búgin fillipinli Jon Napolesti 5:0 esabında jeńip, keyingi basqıshqa jollamanı qolǵa kirgizdi.
Boksshimizge aldaǵı bellesiwlerde de áwmet yar bolıwın tilep qalamız!

Adilbay Orazov,
Qaraqalpaqstan xabar agentligi sholıwshısı