Ташкент қаласындағы «Универсал» спорт сарайында спорт гүреслери бойынша ересеклер арасында  Өзбекстан кубоги жарыслары болып өтпекте.

Кеше ҳаял-қызлар гүреси ҳәм грек-рим гүреси бойынша беллесиўлер өз жуўмағына жетти.

Ҳаял-қызлар гүреси бойынша өткерилген жарыста, қарақалпақстанлы спортшы қызлар бир қатар салмақ категориялары бойынша жеңимпазлықты қолға киргизиўге миясар болды.

Атап айтқанда, 50 кг салмақта Ақтеңге Кеунимжаева гүмис, Умида Каримбаева қола, 53 кг да Сагира Бекмырзаева қола, 55 кг да Сахибжамал Есбосынова алтын, 57 кг да Мавлуда Қалбаева гүмис, Нилуфар Өтемисова қола, 59 кг да Сарбиназ Жийенбаева алтын, Дилфуза Айымбетова гүмис, 62 кгда Мияссар Қошмуратова гүмис, 65 кг да Феруза Есенбаева алтын, 68 кг да Набира Есенбаева алтын, Мехрибану Дәўлетбаева қола, 72 кг да Валентина Төрениязова қола, 76 кг да Арыўхан Жумабаева гүмис медальларын жеңип алыўға еристи.

Тилекке қарсы, грек-рим гүреси бойынша қарақалпақстанлы бирде-бир палўан медаль қолға киргизе алмады.

Адилбай Оразов, 

Қарақалпақстан хабар агентлиги шолыўшысы