Tashkent qalasındaǵı «Universal» sport sarayında sport gúresleri boyınsha eresekler arasında Ózbekstan kubogi jarısları bolıp ótpekte.

Keshe hayal-qızlar gúresi hám grek-rim gúresi boyınsha bellesiwler óz juwmaǵına jetti.
Hayal-qızlar gúresi boyınsha ótkerilgen jarısta, qaraqalpaqstanlı sportshı qızlar bir qatar salmaq kategoriyaları boyınsha jeńimpazlıqtı qolǵa kirgiziwge miyasar boldı.
Atap aytqanda, 50 kg salmaqta Aqteńge Keunimjaeva gúmis, Umida Karimbaeva qola, 53 kg da Sagira Bekmırzaeva qola, 55 kg da Saxibjamal Esbosınova altın, 57 kg da Mavluda Qalbaeva gúmis, Nilufar Ótemisova qola, 59 kg da Sarbinaz Jiyenbaeva altın, Dilfuza Ayımbetova gúmis, 62 kgda Miyassar Qoshmuratova gúmis, 65 kg da Feruza Esenbaeva altın, 68 kg da Nabira Esenbaeva altın, Mexribanu Dáwletbaeva qola, 72 kg da Valentina Tóreniyazova qola, 76 kg da Arıwxan Jumabaeva gúmis medalların jeńip alıwǵa eristi.

Tilekke qarsı, grek-rim gúresi boyınsha qaraqalpaqstanlı birde-bir palwan medal qolǵa kirgize almadı.

Adilbay Orazov,
Qaraqalpaqstan xabar agentligi sholıwshısı.