Орайлық Азия халықаралық институты (ОАХИ) директоры Жавлон Ваҳобов Кувейт университети Сиясий пәнлер кафедрасы баслығы, Араб қолтығы мәмлекетлери Бирге ислесиў кеңеси Жоқарғы кеңеси мәсләҳәт коллегиясы ағзасы доктор Ҳайла Ал-Микаймий менен ушырасыў өткерди.

Сөйлесиў даўамында тәреплер 2025-жыл 21-22-апрель күнлери Ташкент қаласында ОАХИ ҳәм «Bourse & Bazaаr» қоры биргеликте шөлкемлестирилген «Орайлық Азия – Араб қолтығы мәмлекетлери Бирге ислесиў кеңеси» экспертлер форумы жуўмағын көрип шықты. Мырза Ал-Микаймий әнжуман нәтийжесин жоқары баҳалап, экспертлер есабатына киргизиў ушын әҳмийетли усыныслар билдирди.

Ушырасыў ўақтында ОАХИ ҳәм Кувейт университети арасындағы илимий-академиялық бирге ислесиў мәселесине айрықша итибар қаратылды. Атап айтқанда, сиясаттаныўшылық, экономика, мәденият, билимлендириў ҳәм регионалараралық байланыслар тараўларында биргеликте изертлеў алып барыў, экспертлер алмасыўы ҳәм өз-ара академиялық бағдарламаларды жолға қойыў перспективасы додаланды.

Атап өтилиўинше, өз-ара бирге ислесиўди беккемлеў ҳәр еки мәкемениң илимий имканиятын арттырып, регионаллық бирге ислесиўди тереңлестириўге хызмет етеди.

Доктор Ҳайла Ал-Микаймий – сиясий илимлер профессоры, Қолтық мәмлекетлериниң турмысы, ҳаял-қызлардың сиясий белсендилиги ҳәм регионаллық бирге ислесиў мәселелери бойынша жетекши эксперт болып есапланады. Академик бирге ислесиўди раўажландырыўға қаратылған халықаралық басламаларда белсене қатнасып келеди.

Ғ.Хонназаров, ӨзА