Президенттиң тийисли пәрманына тийкарланып Низамий атындағы Өзбекстан миллий педагогикалық университети шөлкемлестириледи.

Университет республикада педагог кадрлар таярлаў бойынша жетекши жоқары билимлендириў шөлкеми етип белгиленди ҳәм ол Низамий атындағы Ташкент мәмлекетлик педагогикалық университети тийкарында шөлкемлестириледи.

2025-2026-оқыў жылынан баслап университеттиң басқарыў системасы «Жаңа Өзбекстан» университети тәжирийбеси тийкарында түп-тийкарынан жетилистириледи. Мәкемениң ҳәзирги 14 факультети оптималластырылып, 6 педагогикалық жоқары мектеплери шөлкемлестириледи. Бул ЖБМниң бакалавриат тәлим бағдарларына биринши курстан халықаралық тәлим бағдарламалары енгизиледи.

Сондай-ақ, академиялық жумыс санластырылған басқарыў системасы (Learning management system) арқалы жолға қойылады ҳәм HEMIS мәлимлеме системасы менен интеграцияланады.

Қарақалпақстан хабар агентлиги