Президентнинг тегишли фармонига асосан Низомий номидаги Ўзбекистон миллий педагогика университети ташкил этилади.

Университет республикада педагог кадрлар тайёрлаш бўйича етакчи олий таълим ташкилоти этиб белгиланди ва у Низомий номидаги Тошкент давлат педагогика университети негизида ташкил этилади.

2025/2026-ўқув йилидан бошлаб университетнинг бошқарув тизими «Янги Ўзбекистон» университети тажрибаси асосида тубдан такомиллаштирилади. Муассасанинг мавжуд 14 та факультети мақбуллаштирилиб, 6 та педагогика олий мактаблари ташкил этилади. Ушбу ОТМнинг бакалавриат таълим йўналишларига биринчи курсдан халқаро таълим дастурлари жорий этилади.

Шунингдек, академик фаолият рақамлаштирилган бошқариш тизими (Learning management system) орқали йўлга қўйилади ҳамда HEMIS ахборот тизими билан интеграция қилинади.