Prezidenttiń tiyisli pármanına tiykarlanıp Nizamiy atındaǵı Ózbekstan milliy pedagogikalıq universiteti shólkemlestiriledi.

Universitet respublikada pedagog kadrlar tayarlaw boyınsha jetekshi joqarı bilimlendiriw shólkemi etip belgilendi hám ol Nizamiy atındaǵı Tashkent mámleketlik pedagogikalıq universiteti tiykarında shólkemlestiriledi.
2025-2026-oqıw jılınan baslap universitettiń basqarıw sisteması «Jańa Ózbekstan» universiteti tájiriybesi tiykarında túp-tiykarınan jetilistiriledi. Mákemeniń házirgi 14 fakulteti optimallastırılıp, 6 pedagogikalıq joqarı mektepleri shólkemlestiriledi. Bul JBMniń bakalavriat tálim baǵdarlarına birinshi kurstan xalıqaralıq tálim baǵdarlamaları engiziledi.
Sonday-aq, akademiyalıq jumıs sanlastırılǵan basqarıw sisteması (Learning management system) arqalı jolǵa qoyıladı hám HEMIS málimleme sisteması menen integraciyalanadı.

Qaraqalpaqstan xabar agentligi