Көп миллетли журтымызда халықлар дослығы қәдирленип, олардың арасындағы татыўлық, дослық қарым-қатнасықларды беккемлеў ушын бир қатар  руўхый-мәдений илажлар өткерилмекте.

Нөкис районында миллетлераралық татыўлық ҳәм өз-ара мийрим-шәпәәт орталығын және де беккемлеў, түрли миллет ўәкиллериниң тили, мәденияты, үрп-әдет ҳәм дәстүрлерин сақлаў, раўажландырыў мақсетинде «Қырантаў» аўыл пуқаралар жыйынындағы 30-санлы мектепте «Өзбекстан улыўма үйимиз»,  «Биз бир ел ҳәм бир Ўатан перзентлеримиз!»,  сүрени астында мәдений-ағартыўшылық илажы өткерилди.

Дослық ҳәм мәденият фестивалы шеңберинде «Үрп-әдет ҳәм қәдириятлар миллет айнасы» темасында туўысқан халықлардың бийтәкирар нама-қосықлары, мәденияты, аяқ ойынлары, көркем өнери, үрп-әдетлери көрсетилип, дәстүрлерин сәўлелендиретуғын көргизбелер және жазыўшы ҳәм шайырлардың шығармаларының көргизбеси шөлкемлестирилди.

Илаж шеңберинде белсене қатнасқанларға район ҳәкимлиги тәрепинен Ҳүрмет жарлықлары ҳәм естелик саўғалары тапсырылды.

                                                                   Қарақалпақстан хабар агентлиги