Kóp milletli jurtımızda xalıqlar doslıǵı qádirlenip, olardıń arasındaǵı tatıwlıq, doslıq qarım-qatnasıqlardı bekkemlew ushın bir qatar ruwxıy-mádeniy ilajlar ótkerilmekte.

Nókis rayonında milletleraralıq tatıwlıq hám óz-ara miyrim-shápáát ortalıǵın jáne de bekkemlew, túrli millet wákilleriniń tili, mádeniyatı, úrp-ádet hám dástúrlerin saqlaw, rawajlandırıw maqsetinde «Qırantaw» awıl puqaralar jıyınındaǵı 30-sanlı mektepte «Ózbekstan ulıwma úyimiz», «Biz bir el hám bir Watan perzentlerimiz!», súreni astında mádeniy-aǵartıwshılıq ilajı ótkerildi.
Doslıq hám mádeniyat festivalı sheńberinde «Úrp-ádet hám qádiriyatlar millet aynası» temasında tuwısqan xalıqlardıń biytákirar nama-qosıqları, mádeniyatı, ayaq oyınları, kórkem óneri, úrp-ádetleri kórsetilip, dástúrlerin sáwlelendiretuǵın kórgizbeler jáne jazıwshı hám shayırlardıń shıǵarmalarınıń kórgizbesi shólkemlestirildi.
Ilaj sheńberinde belsene qatnasqanlarǵa rayon hákimligi tárepinen Húrmet jarlıqları hám estelik sawǵaları tapsırıldı.

Qaraqalpaqstan xabar agentligi