Тақыятас районында заманагөй 200 орынлық шаңарақлық поликлиника қурылды.

Саида Мирзиёева: Өткен жылы бул жерге келгенимизде Тақыятас районындағы шаңарақлық поликлиника оғада аўыр жағдайда еди. Тар ҳәм ески имарат, дерлик ҳеш қандай шараяты жоқ… Деген менен, шыпакерлер қолларынан келгенинше адамларға жәрдем берип атыр еди.

Сонда: «Бундай даўам етиўи мүмкин емес. Жаңа, заманагөй поликлиника қурыў керек!» – деген пикирге келген едим.

Самарқандлы исбилермен Тўраев Зафар Суюновичтиң қәўендерлигинде бүгин бул жерде жақты, кең ҳәм заманагөй 200 орынлық шаңарақлық поликлиника қурылды. Заманагөй медициналық үскенелер орнатылды, шыпакерлер ҳәм наўқаслар ушын қолайлы шараятлар жаратылды.

Бундай ийгиликли иске үлес қосып атырған ўатансүйгиш исбилерменлеримизге шын жүректен миннетдаршылық билдиремиз.

Қарақалпақстан хабар агентлиги