Taqıyatas rayonında zamanagóy 200 orınlıq shańaraqlıq poliklinika qurıldı.

Saida Mirziyoeva: Ótken jılı bul jerge kelgenimizde Taqıyatas rayonındaǵı shańaraqlıq poliklinika oǵada awır jaǵdayda edi. Tar hám eski imarat, derlik hesh qanday sharayatı joq… Degen menen, shıpakerler qollarınan kelgeninshe adamlarǵa járdem berip atır edi.
Sonda: «Bunday dawam etiwi múmkin emes. Jańa, zamanagóy poliklinika qurıw kerek!» – degen pikirge kelgen edim.
Samarqandlı isbilermen Twraev Zafar Suyunovichtiń qáwenderliginde búgin bul jerde jaqtı, keń hám zamanagóy 200 orınlıq shańaraqlıq poliklinika qurıldı. Zamanagóy medicinalıq úskeneler ornatıldı, shıpakerler hám nawqaslar ushın qolaylı sharayatlar jaratıldı.
Bunday iygilikli iske úles qosıp atırǵan watansúygish isbilermenlerimizge shın júrekten minnetdarshılıq bildiremiz.

Qaraqalpaqstan xabar agentligi