Тахиатош туманида замонавий 200 ўринли оилавий поликлиника барпо этилди.

Саида Мирзиёева: Ўтган йили бу ерга келганимизда Тахиатош туманидаги оилавий поликлиника жуда оғир аҳволда эди. Тор ва эски бино, деярли ҳеч қандай шароити йўқ… Шундай бўлса-да, шифокорлар қўлларидан келганича одамларга ёрдам бераётган эди.

Шунда: «Бундай давом этиши мумкин эмас. Янги, замонавий поликлиника қуриш керак!» – деган фикрга келган эдим.

Самарқандлик тадбиркор Тўраев Зафар Суюнович ҳомийлигида бугун бу ерда ёруғ, кенг ва замонавий 200 ўринли оилавий поликлиника бунёд этилди. Замонавий тиббий ускуналар ўрнатилди, шифокорлар ва беморлар учун қулай шароитлар яратилди.

Бундай эзгу ишга ҳисса қўшаётган ватанпарвар тадбиркорларимизга самимий миннатдорлик билдирамиз.

Қорақалпоғистон ахборот агентлиги