Санлы технологиялар министри Шерзод Шерматов Бирлескен Араб Әмирликлериниң абырайлы Муҳаммад бин Зайд Жасалма Интеллект Университети (MBZUAI) Глобал бирге ислесиў бойынша вице-президенти Лили Бурнс пенен ушырасыў өткерди.

Ушырасыўда Өзбекстан ҳәм MBZUAI арасында жасалма интеллект бағдарындағы бирге ислесиўди раўажландырыў мәселелери додаланды.

Тәреплер жасалма интеллект бойынша маман кадрлар таярлаў, өзбекстанлы қәнигелер ҳәм студентлер ушын жаңа билимлендириў бағдарламаларын жолға қойыў мәселелерине айрықша итибар қаратты.

Сондай-ақ, IT ҳәм жасалма интеллект тараўларында жойбарларды әмелге асырыў, Өзбекстан қәнигелерин алдыңғы технологиялар бойынша маманлығын арттырыў бағдарламаларына тартыў және академиялық ҳәм илимий алмасыўларды кеңейтиў бойынша пикир алысты.

Буннан тысқары, жасалма интеллект тараўы ушын жетик кадрлар таярлаў процесин жеделлестириў, жаңа билимлендириў бағдарламаларын ислеп шығыў ҳәм бирге ислесиў жойбарларын кеңейтиў бойынша анық усыныслар көрип шығылды.

Бул бирге ислесиў Өзбекстанның санлы трансформация процесслерин жеделлестириў менен бирге, жасалма интеллект тараўында алдыңғы билим ҳәм тәжирийбе алмасыў имканиятларын кеңейтиўге хызмет етеди.

Н.Рахманова ӨзА