Sanlı texnologiyalar ministri Sherzod Shermatov Birlesken Arab Ámirlikleriniń abıraylı Muhammad bin Zayd Jasalma Intellekt Universiteti (MBZUAI) Global birge islesiw boyınsha vice-prezidenti Lili Burns penen ushırasıw ótkerdi.

Ushırasıwda Ózbekstan hám MBZUAI arasında jasalma intellekt baǵdarındaǵı birge islesiwdi rawajlandırıw máseleleri dodalandı.
Tárepler jasalma intellekt boyınsha maman kadrlar tayarlaw, ózbekstanlı qánigeler hám studentler ushın jańa bilimlendiriw baǵdarlamaların jolǵa qoyıw máselelerine ayrıqsha itibar qarattı.
Sonday-aq, IT hám jasalma intellekt tarawlarında joybarlardı ámelge asırıw, Ózbekstan qánigelerin aldıńǵı texnologiyalar boyınsha mamanlıǵın arttırıw baǵdarlamalarına tartıw jáne akademiyalıq hám ilimiy almasıwlardı keńeytiw boyınsha pikir alıstı.
Bunnan tısqarı, jasalma intellekt tarawı ushın jetik kadrlar tayarlaw procesin jedellestiriw, jańa bilimlendiriw baǵdarlamaların islep shıǵıw hám birge islesiw joybarların keńeytiw boyınsha anıq usınıslar kórip shıǵıldı.
Bul birge islesiw Ózbekstannıń sanlı transformaciya processlerin jedellestiriw menen birge, jasalma intellekt tarawında aldıńǵı bilim hám tájiriybe almasıw imkaniyatların keńeytiwge xızmet etedi.

N.Raxmanova ÓzA