Президент Александр Лукашенконың Москваға сапары шеңберинде Россия ҳәм Беларусь арасында Аўқамлас мәмлекет аймағында қәўипсизлдик кепиллиги ҳаққындағы шәртнамаға қол қойыў мәресими болып өтти.

Бул ҳүжжетте еки мәмлекет қәўипсизлигине қәўип пайда болғанда зәрүр илажларды әмелге асырыў бойынша өз-ара кепиллик беккемленген.

Миннетлемени орынлаў қәўипсизликке ҳүжимниң алдын алыў ушын басқа да мәмлекетлер ҳәм халықаралық ҳуқық шеңбериндеги басқа субъектлер менен қатнасыў имканиятынан пайдаланыў, тек ғана исленген емес, ал әмелге асырылыў қәўпи жүзеге келген басқыншылық ҳәрекетине жуўап илажларын көриў, сондай-ақ, белгили бир жағдайда оператив зәрүр әскерий, әскерий-техникалық ҳәм басқа да тәризде жәрдем көрсетиўди нәзерде тутады.

БелТА мәмлекетлик агентлиги жетекшилердиң бирликтеги билдириўинен төмендеги силтемени келтирген:

– Тәреплер Аўқамлас мәмлекеттиң улыўмалық қорғаныў майданы көлеминде Беларусь ҳәм Россия қәўипсизлигин беккемлеў мақсетинде заманагөй шақырық ҳәм қәўиплерге нәтийжели жуўап бериў бойынша биргеликтеги ҳәрекетлерди даўам еттиреди.

Басылымның атап өтиўинше, келисимди нәзерде тутатуғын кең көлемли бирге ислесиў әмелдеги әскерий-сиясий машқалаларға сәйкес келеди.

Қарақалпақстан хабар агентлиги