Prezident Aleksandr Lukashenkonıń Moskvaǵa saparı sheńberinde Rossiya hám Belarus arasında Awqamlas mámleket aymaǵında qáwipsizldik kepilligi haqqındaǵı shártnamaǵa qol qoyıw máresimi bolıp ótti.

Bul hújjette eki mámleket qáwipsizligine qáwip payda bolǵanda zárúr ilajlardı ámelge asırıw boyınsha óz-ara kepillik bekkemlengen.
Minnetlemeni orınlaw qáwipsizlikke hújimniń aldın alıw ushın basqa da mámleketler hám xalıqaralıq huqıq sheńberindegi basqa subektler menen qatnasıw imkaniyatınan paydalanıw, tek ǵana islengen emes, al ámelge asırılıw qáwpi júzege kelgen basqınshılıq háreketine juwap ilajların kóriw, sonday-aq, belgili bir jaǵdayda operativ zárúr áskeriy, áskeriy-texnikalıq hám basqa da tárizde járdem kórsetiwdi názerde tutadı.
BelTA mámleketlik agentligi jetekshilerdiń birliktegi bildiriwinen tómendegi siltemeni keltirgen:
– Tárepler Awqamlas mámlekettiń ulıwmalıq qorǵanıw maydanı kóleminde Belarus hám Rossiya qáwipsizligin bekkemlew maqsetinde zamanagóy shaqırıq hám qáwiplerge nátiyjeli juwap beriw boyınsha birgeliktegi háreketlerdi dawam ettiredi.
Basılımnıń atap ótiwinshe, kelisimdi názerde tutatuǵın keń kólemli birge islesiw ámeldegi áskeriy-siyasiy mashqalalarǵa sáykes keledi.

Qaraqalpaqstan xabar agentligi