Алдын хабар бергенимиздей, Өзбекстан Республикасы Президентиниң 2024-жыл 30-сентябрьдеги “Мектепке шекемги билимлендириўдиң сапасы ҳәм нәтийжелилигин және де арттырыў бойынша қосымша илажлар ҳаққында”ғы пәрманы, Мектепке шекемги ҳәм мектеп билимлендириўи министриниң арнаўлы буйрықларында белгиленген ўазыйпалардың орынланыўын тәмийинлеў мақсетинде мектепке шекемги билимлендириў шөлкемлеринде қәнигелик арттырыўдың «Методикалық шеберлик күни» ҳәм  «Методикалық шеберлик сааты» илажлары өткерилип келинбекте.

Бүгин республикамыздағы 25 таяныш мектепке шекемги билимлендириў шөлкеминде «Методикалық шеберлик күни» илажлары басланды.

Онда ментор тренерлер тәрепинен МШБШ жетекшилерине мектепке шекемги билимлендириў сабақларының сапасы, балалар менен ислесиў психологиясы үйретилип, «Методикалық шеберлик сааты»  илажларын әмелге асырыўда оқыў сабақларын нәтийжели шөлкемлестириў бойынша билим ҳәм көнликпеге ийе болады.

Семинарларда 25 ментор, 452 жетекши педагоглар қатнаспақта.

Методикалық шеберлик күнлерин ҳәр айдың 1-3-ҳәптелигинде сийшемби күнинде өткериў белгиленген.

Қарақалпақстан хабар агентлиги