Aldın xabar bergenimizdey, Ózbekstan Respublikası Prezidentiniń 2024-jıl 30-sentyabrdegi “Mektepke shekemgi bilimlendiriwdiń sapası hám nátiyjeliligin jáne de arttırıw boyınsha qosımsha ilajlar haqqında”ǵı pármanı, Mektepke shekemgi hám mektep bilimlendiriwi ministriniń arnawlı buyrıqlarında belgilengen wazıypalardıń orınlanıwın támiyinlew maqsetinde mektepke shekemgi bilimlendiriw shólkemlerinde qánigelik arttırıwdıń «Metodikalıq sheberlik kúni» hám «Metodikalıq sheberlik saatı» ilajları ótkerilip kelinbekte.
Búgin respublikamızdaǵı 25 tayanısh mektepke shekemgi bilimlendiriw shólkeminde «Metodikalıq sheberlik kúni» ilajları baslandı.
Onda mentor trenerler tárepinen MShBSh jetekshilerine mektepke shekemgi bilimlendiriw sabaqlarınıń sapası, balalar menen islesiw psixologiyası úyretilip, «Metodikalıq sheberlik saatı» ilajların ámelge asırıwda oqıw sabaqların nátiyjeli shólkemlestiriw boyınsha bilim hám kónlikpege iye boladı.
Seminarlarda 25 mentor, 452 jetekshi pedagoglar qatnaspaqta.
Metodikalıq sheberlik kúnlerin hár aydıń 1-3-hápteliginde siyshembi kúninde ótkeriw belgilengen.

Qaraqalpaqstan xabar agentligi.