Алдын хабар берилгениндей, Саудия Арабстанында өтип атырған «раўажланып атырған мәмлекетлер сөйлесиўи» конференциясы шеңберинде Өзбекстан Республикасы  Бас министриниң орынбасары – экономика ҳәм қаржы министри Жамшид Қўчқоров ҳәм Азия инфраструктуралық инвестициялар  банки президенти Цзин Лицюн арасында ушырасыў өткерилди.

Тәреплер өз-ара бирге ислесиў бағдарлары, жасыл экономиканы раўажландырыў, бюджетти қоллап-қуўталаў ҳәм инфраструктураны жетилистириў мәселелерин додалады.

Азия инфратсруткуралық инвестициялар банки халықаралық қаржыл институты сыпатында инфратсруктура ҳәм басқа  нәтийжели секторларды раўажландырыў арқалы Азия регионында экономикалық өсиўди қоллап-қуўатлаў мақсетинде шөлкемлестирилген. Банк 2016-жыл 16-январьдан жумыс ислеген,  бас офиси Пекин қаласында  жайласқан.

Ушырасыўда «жасыл» экономиканы  раўажландырыў, климат өзгериўине қарсы гүресиў ҳәм энергия нәтийжелилигин арттырыўда бирге ислесиўди күшейтиў, мәмлекетлик жеке меншик шериклик бағдарлары тийкарында инфраструктура жойбарларын  әмелге асырыў ҳәм заманагөй ыссылық тәмийнаты системасын жаратыў мәселелери  бойынша да пикир алысылды.

Министрликтиң мәлимлеме хызметиниң хабар бериўинше, сөйлесиўлер жуўмағында тәреплер өз-ара бирге ислесиўди раўажландырыў ҳәм белгиленген мақсетлерге  ерисиўде нәтийжели жумыс  алып барыўға келисип алды.

Н.Зиёдуллаева, ӨзА