Aldın xabar berilgenindey, Saudiya Arabstanında ótip atırǵan «rawajlanıp atırǵan mámleketler sóylesiwi» konferenciyası sheńberinde Ózbekstan Respublikası Bas ministriniń orınbasarı – ekonomika hám qarjı ministri Jamshid Qwchqorov hám Aziya infrastrukturalıq investiciyalar banki prezidenti Czin Licyun arasında ushırasıw ótkerildi.
Tárepler óz-ara birge islesiw baǵdarları, jasıl ekonomikanı rawajlandırıw, byudjetti qollap-quwtalaw hám infrastrukturanı jetilistiriw máselelerin dodaladı.
Aziya infratsrutkuralıq investiciyalar banki xalıqaralıq qarjıl institutı sıpatında infratsruktura hám basqa nátiyjeli sektorlardı rawajlandırıw arqalı Aziya regionında ekonomikalıq ósiwdi qollap-quwatlaw maqsetinde shólkemlestirilgen. Bank 2016-jıl 16-yanvardan jumıs islegen, bas ofisi Pekin qalasında jaylasqan.
Ushırasıwda «jasıl» ekonomikanı rawajlandırıw, klimat ózgeriwine qarsı gúresiw hám energiya nátiyjeliligin arttırıwda birge islesiwdi kúsheytiw, mámleketlik jeke menshik sheriklik baǵdarları tiykarında infrastruktura joybarların ámelge asırıw hám zamanagóy ıssılıq támiynatı sistemasın jaratıw máseleleri boyınsha da pikir alısıldı.
Ministrliktiń málimleme xızmetiniń xabar beriwinshe, sóylesiwler juwmaǵında tárepler óz-ara birge islesiwdi rawajlandırıw hám belgilengen maqsetlerge erisiwde nátiyjeli jumıs alıp barıwǵa kelisip aldı.

N.Ziyodullaeva, ÓzA