Усы жылдың 11-февраль күни ӨРН-1026-санлы нызам менен айырым нызам ҳүжжетлерине қосымшалар ҳәм өзгерислер киргизилди.

Нызам менен микроқаржы шөлкемлери ҳәм коммерциялық банклер арасында оларды байланыстырыўшы «шынжыр»ды қәлиплестириў, микроқаржы шөлкемлери ушын қосымша қаржы ресурсларын ҳәм депозитлер тартыў имканияты жаратылады.

Ендигиден былай банк хызметлерин руқсат етилген шәртлер тийкарында көрсетиўге ўәкилликли болған микроқаржы банки институты енгизиледи.

Сондай-ақ, нызам менен микроқаржы шөлкемлерин микроқаржы банклерине ҳәм микроқаржы банклерин коммерциялық банклерге ҳәм керисинше трансформациялаў ушын ҳуқықый тийкар жаратылмақта.

Буннан тысқары «Лицензиялаў, руқсат бериў ҳәм хабардар етиў тәртип-қағыйдалары ҳаққында»ғы нызамға киргизилген қосымшаға бола, микроқаржы банкиниң жумысын әмелге асырыў ҳуқықын бериўши лицензия Орайлық банк тәрепинен берилетуғыны белгиленди.

Нызам рәсмий жәрияланған күннен баслап күшке киреди.

Ш.Маматуропова, ӨзА