Usı jıldıń 11-fevral kúni ÓRN-1026-sanlı nızam menen ayırım nızam hújjetlerine qosımshalar hám ózgerisler kirgizildi.
Nızam menen mikroqarjı shólkemleri hám kommerciyalıq bankler arasında olardı baylanıstırıwshı «shınjır»dı qáliplestiriw, mikroqarjı shólkemleri ushın qosımsha qarjı resursların hám depozitler tartıw imkaniyatı jaratıladı.
Endigiden bılay bank xızmetlerin ruqsat etilgen shártler tiykarında kórsetiwge wákillikli bolǵan mikroqarjı banki institutı engiziledi.
Sonday-aq, nızam menen mikroqarjı shólkemlerin mikroqarjı banklerine hám mikroqarjı banklerin kommerciyalıq banklerge hám kerisinshe transformaciyalaw ushın huqıqıy tiykar jaratılmaqta.
Bunnan tısqarı «Licenziyalaw, ruqsat beriw hám xabardar etiw tártip-qaǵıydaları haqqında»ǵı nızamǵa kirgizilgen qosımshaǵa bola, mikroqarjı bankiniń jumısın ámelge asırıw huqıqın beriwshi licenziya Oraylıq bank tárepinen beriletuǵını belgilendi.
Nızam rásmiy járiyalanǵan kúnnen baslap kúshke kiredi.

Sh.Mamaturopova, ÓzA