Өзбекстан Республикасы Министрлер Кабинети “Мәденият ҳәм көркем өнер тараўында мәмлекетлик басқарыўдыӊ жетилистирилиўи мүнәсибети менен Өзбекстан Республикасы Ҳүкиметиниӊ айырым қарарларына өзгерис ҳәм қосымшалар киргизиў, сондай-ақ, айырымларын өз күшин жоғалтқан деп есаплаў ҳаққында” қарар қабыл етти.
Оған муўапық, Өзбекстан Республикасы Ҳүкиметиниӊ айырым қарарларына төмендеги өзгерис ҳәм қосымшалар киргизиледи:
Өзбекстан Республикасы Ҳүкиметиниӊ айырым қарарларын Өзбекстан Республикасы Президентиниӊ “Ҳәкимшилик реформалар шеӊберинде мәденият ҳәм туризм тараўында мәмлекетлик басқарыўды нәтийжели шөлкемлестириў илажлары ҳаққында” 2023-жыл 27-июьлдағы ПП-114-санлы Пәрманына муўапықластырыў;
Өзбекстан Республикасы Президентиниӊ “Миллий нызамшылық базасын комплексли системаластырыў илажлары ҳаққында”ғы 2021-жыл 30-парельдеги ПП-6218-санлы Пәрманына муўапық тараўдағы айырым нызамшылық ҳүжжетлериндеги тәкирарланыў, коллизия, ҳуқықый бослықларды сапластырыў.
Сондай-ақ, Өзбекстан Республикасы ҳүкиметиниӊ төмендеги қарарлары өз күшин жоғалтқан деп есапланады:
Министрлер Кабинетиниӊ “Эстрада қосықшылық көркем өнерин және де раўажландырыў ҳаққында”ғы 2001-жыл 26-июньдағы 272-санлы қарарына 6-қосымша;
Министрлер Кабинетиниӊ “Өзбекстан Республикасы Ҳүкиметиниӊ айырым қарарларына өзгерис ҳәм қосымшалар киргизиў ҳаққында”ғы 2005-жыл 6-июльдағы 156-санлы қарарына қосымшаныӊ 19-статьясы;
Министрлер Кабинетиниӊ “Жаслар мәденияты ҳәм көркем өнер орайы жумысын шөлкемлестириў илажлары ҳаққында”ғы 2014-жыл 14-августтағы 232-санлы қарары;
Министрлер Кабинетиниӊ “Концерт-тамаша жумысын әмелге асырыў тәртибин және де жетилистириў илажлары ҳаққында”ғы 2015-жыл 9-декабрьдеги 354-санлы қарарына 4-қосымша;
Министрлер Кабинетиниӊ 2017-жыл 11-майдағы “Өзбекстан Республикасы Ҳүкиметиниӊ айырым қарарларына өзгерис ҳәм қосымшалар киргизиў, сондай-ақ, айырымларын өз күшин жоғалтқан деп есаплаў ҳаққында”ғы 270-қарарына 1-қосымшаныӊ 56-статьясы;
Министрлер Кабинетиниӊ 2022-жыл 4-апрельдеги “Өзбекстан Республикасы Ҳүкиметиниӊ айырым қарарларына өзгерислер киргизиў ҳаққында”ғы 153-санлы қарарына қосымшаныӊ 344-статьясы.
ӨзА