Волейбол спортын жаслар арасында кең ен жайдырыў, оған қызығыўшы оқыўшыларды қоллап-қуўатлаў мақсетинде, 4-5-февраль күнлери волейбол бойынша Қараөзек районлық Халық билимлендириў бөлимине қараслы улыўма орта билим бериў мектеби оқыўшылары арасында «Қараөзек районы ҳәкими кубоги» жарысы шөкемлестирилди.
Жарысқа аймақтағы мектеплерден жәми 24 команда қатнасып, жеңимпазлық ушын өз-ара кескин беллесиўлер алып барды.
Жарыс жуўмағында 1-орынды 4-санлы, 2-орынды 1-санлы ҳәм 3-орынды 10-санлы улыўма орта билим бериў мектеплери командалары ийелеўге миясар болды.
Жеңимпазларды район ҳәкими Узақберген Утамбетов қутлықлап, оларды кубок, дәрежели диплом ҳәм қымбат баҳалы саўғалар менен сыйлықлады.
Адилбай Оразов,
Қарақалпақстан хабар агентлиги шолыўшысы