Ҳиндстанның Пуна қаласында теннис бойынша W40 Pune турнири болып өтпекте.
Сыйлық муғдары 40 000 АҚШ доллары болған бул жарыста Өзбекстанның 1-ракеткасы Нигина Абдураимова табыслы қатнасып атыр. Атап айтатуғын болсақ, ол бүгин шерек финалда япониялы Ери Шимизуни 6/2, 6/1 есабында жеңип шығып ярым финал жолламасын қолға киргизди.
Буннан алдын өткерилген 1/16 финалында Нигина латвиялы Диана Марцинкевичти 6/2, 6/0, 1/8 финалда болса россиялы Дарья Кудашованы 6/2, 6/1 есабында жеңип шығыўға миясар болды. Соны да айтып өтиўимиз керек, Нигина Абдураимова ҳәзирги ўақытта WTA рейтингинде 176-орынды ийелеп келмекте.
Адилбай Оразов,
Қарақалпақстан хабар агентлиги шолыўшысы