Усы күнлери Нидерландияның Вейк-ан-Зее қаласында шахмат бойынша ең ири халықаралық турнирлердиң бири болып өтпекте.
Кеше усы турнирдиң «Мастерс» топарында қатнасып атырған Нодирбек Абдусатторов 3-тур шеңберинде ҳиндстанлы Доммарджу Гукеш пенен теңбе-тең ойнаўға еристи.
Ал, жарыстың «Челленджер» топарында қатнасып атырған гроссмейстримиз Жавоҳир Синдаров болса, және бир ҳиндстанлы Рамешбабу Вайшалиди жеңип шығыўға миясар болды.
Бүгинги күнге келип бул еки шахматшымыз да 1 ойында жеңиске ерисип, 2 ойында теңбе-тең ойнаўға еристи.
Бүгин «Мастерс» ҳәм «Челленжер» жарысларында 4-тур ойынлары өткериледи. Онда Нодирбек Абдусатторов иранлы Пархам Магсудлу , Жавоҳир Синдаров ҳиндстанлы гроссмейстер Адҳибан менен өз-ара беллесиўге түседи.
Адилбай Оразов,
Қарақалпақстан хабар агентлиги шолыўшысы