Қарақалпақ мамлекетлик жас тамашагойлер театры жәмәәти тәрепинен жана жыл байрамы күнлеринде балалар ушын «Мәстан кемпирдин ҳийлелери» хам «Сыйқырлы дән» атамасында театрластырылған байрам тамашалары сахналастырылмақта.
Жаңа жыл байрамы күнлеринде театр жәмәәти көтериңкилик бағышлаў, балалардың дем алыс күнлериниң мазмунлы өтиўин тәмийинлеў мақсетинде өзине тән байрам саўғасын таярлаған.
– Дөретиўшилик топарымыз бенен Жаңа жыл байрамы мүнәсибети, сондай-ақ, улыўма орта билим бериў мектеплери оқыўшыларының қысқы дем алыс ўақтын мазмунлы өткериўин тәмийинлеў мақсетинде Марс Нуратдинов ҳәм Роза Пиязовалардың сахналастырған «Мәстан кемпирдиң ҳийлелери» ҳәм «Сыйқырлы дән» байрам тамашалары қойып берилмекте, -дейди театрдың актёры Қуўат Пердебаев. – Мақсетимиз, тамашалар арқалы балаларға қуўаныш бағышлап, кейпиятын көтериў болып табылады.
Жаңа жыл байрамы тамашалары балаларды сыйқырлы ертеклер әлемине алып киреди. Аяз ата, мәстан кемпир сыяқлы ертек қаҳарманлары мысалында жақсылық әлбетте жаўызлықты жеңетуғыны, қоян, кирпитикен, түлки образлары арқалы өтирикшилик, сумлық қараланып, ҳадаллық, жақсылыққа умтылып жасаў сыяқлы пазыйлетлер улығланады.
Қарақалпақ мәмлекетлик жас тамашагөйлер театрының байрам тамашалары 10-январьға шекем даўам етеди.
Қарақалпақстан хабар агентлиги