Энергетик ишимликлер рекламасында төмендегилер қадаған етиледи:
саат 7:00 ден 22:00 ге шекем энергетик ишимликлерди телевидение ҳәм радио арқалы реклама етиў;
сыртқы реклама ҳәм мәлимлеме объектлери (конструкциялары) арқалы энергетик ишимликлерди реклама етиў;
энергетик ишимликлердиң үлгилерин жас өспиримлер арасында реклама етиў мақсетинде бийпул тарқатыў;
жас өспиримлерге энергетик ишимликлерди реклама етиў;
тийкарынан ер жетпегенлер ушын мөлшерленген илажларға қайырқомлық етиў, егер онда энергетик ишимликлердиң атынан, товар белгисинен (хызмет көрсетиў белгисинен) ямаса көринисинен пайдаланатуғын болса;
жас өспиримлер арасында энергетик ишимликлердиң атынан, товар белгисинен (хызмет көрсетиў белгисинен) ямаса көринисинен пайдаланылған товарларды (футболкалар, бас кийимлер, ойынларды ҳәм басқаларды) тарқатыў, соның менен бирге, сатыў;
тийкарынан балалар ҳәм жас өспиримлер ушын мөлшерленген басылымлар редакцияларында, сондай-ақ, медицина, спорт ҳәм билимлендириў мәкемелери менен шөлкемлеринде энергетик ишимликлерди реклама етиў;
энергетик ишимликлерден пайдаланылған ҳалда хошаметлеўши акциялар өткериў.
Қарақалпақстан хабар агентлиги