“Бес баслама олимпиадасы” шеңберинде өткерилген спорт жарысларының Қарақалпақстан Республикасы басқышында Тахтакөпир районы жаслары спорттың алты түринен сыйлы орынларды ийеледи.

Бул жарысларда жеӊимпаз болған жасларды сыйлықлаў ҳәм оларды хошаметлеў мақсетинде, район ҳәкими Жамбыл Адилов жас спортшылар ҳәм олардыӊ тренерлерин қабыллады.

Ушырасыўда район ҳәкими Ж.Адилов район жасларын «Бес баслама олимпиадасы» жарыслары шеӊберинде ерискен табыслары менен қутлықлап, оларды район ҳәкимлиги тәрепинен таярланған сыйлы саўғалар менен сыйлықлады.

Мағлыўмат ушын айтып өтиўимиз керек, шашка ҳәм стол тенниси бойынша “Қоңыраткөл” АПЖ ҳәм «Ғәрезсизлик» МПЖ жаслары  3-орын, жеңил атлетика ҳәм  стрит воркаут бойынша “Айдын жол” МПЖ  ҳәм «Тахтакөпир» ППЖ жаслары  2-орын, стритбол (22-26 жас) аралығында  “Айдын жол” МПЖ, стритбол (27-30) жас  аралығында “Ғәрезсизлик” МПЖ жаслары 1-орынларды ийелеўге миясар болды.

Адилбай Оразов,

Қарақалпақстан хабар агентлиги шолыўшысы.