АҚШ Президенти Жо Байден агар КХДР АҚШ ёки унинг иттифоқчиларига ядровий зарба беришга уринса бу давлатнинг режимини ўзгартириш билан таҳдид қилди.
“Шимолий Кореянинг АҚШ ёки унинг иттифоқчилари ва шерикларига ядро зарбаси қабул қилиб бўлмайдиган ҳолдир ва бунинг натижаси режимнинг тамом бўлиши билан ниҳоясига етади ва биз шуни амалга оширамиз”, – деди АҚШ Президенти Жо Байден Жанубий Корея Президенти Юн Сок Ёл билан Вашингтонда бўлиб ўтган музокаралардан сўнг.
АҚШ Жанубий Кореяга ядро қуролини жойлаштиришни режалаштираётгани йўқ, бироқ яриморолга АҚШ атом сувости кемалари келиб туради, – дея аниқлик киритган Оқ уй раҳбари.
Байденнинг қўшимча қилишича, Вашингтон билан Сеул “кенгайтирилган тийиб туриш тизимини” қўллашнинг аниқ режасини ишлаб чиқиш учун “ядровий маслаҳат гуруҳи”ни ташкил этишга келишиб олган.