Ózbekstan Respublikasınıń mámleketlik shegarasındaǵı avtomobil jolı (piyadalar jolı) ótkeriw punktleri arqalı bajıxana shegarasın kesip ótkende 300 AQSh dolları muǵdarına shekem bajıxana tólemi óndirilmeydi. Bul haqqında Qalampir.uz saytı xabar bermekte.

Fizikalıq shaxslar 300 AQSh dollarına shekemgi qunlılıqtaǵı tovarlardı bajıxana deklaraciyasın toltırmastan alıp ótiwi múmkin. Sonday-aq, ayrım túrdegi tovarlar ushın alıp ótiwdiń tómendegi normaları tastıyıqlandı:

– Gúrish 3kg;

– Nan ónimleri 5 kg;

– Gósh hám gósh ónimleri 2 kg;

– Qumsheker 2 kg;

– Ósimlik mayı 2 kg;

– Jańadan úzilgen miywe-palız ónimleri, júzim, palız, dánli eginler, sonday-aq, qaqlanǵan palız ónimleri hám miyweler – 40 kg ǵa shekem;

– Alkogol ónimleri, sonıń ishinde pivo 2 litrge shekem;

– Barlıq túrdegi temeki ónimleri 10 qutıǵa shekem;

– Átir hám usı sıyaqlı suyıqlıqlar 3 danaǵa shekem;

– Qımbat bahalı metall hám qımbat bahalı taslardan islengen zergerlik buyımları 65 grammǵa shekem.

Qaraqalpaqstan xabar agentligi