Elimizdiń barlıq orınlarında mektep pitkeriwshileriniń “Sońģı qońıraw” keshesi joqarı dárejede ótkerilmekte. Usınday ilajlardıń biri Nókis qalası 23-sanlı ulıwma orta bilim beriw mektebinde de bolıp ótti. Dáslep, Ózbekstan hám Qaraqalpaqstan Respublikalarınıń mámleketlik gimnleri jańladı. Ilajda mektep direktorı Quwanısh Begjanov sózge shıģıp, pitkeriwshilerge joqarı oqıw orınlarına kirip, keleshekte tańlaģan kásibiniń jetik ustası bolıp jetilisiwin aytıp, olarģa haq jol tiledi.






Mektepte qaraqalpaq, qazaq, rus klaslarınan jámi 70 oqıwshı pitkermekte. Joqarı dárejede bolıp ótken bayram keshesi mektep oqıwshıları tárepinen tayyarlanģan bayram keshesi menen juwmaqlandı

 

Biybisara Jartıbaeva,

QMU málimleme xizmeti hám jámiyetshilik penen  baylanıslar tálim baģdarınıń 3-kurs studenti.

Qaraqalpaqstan xabar agentligi