Nókis kánshilik institutında jańa oqıw jılında “Ata-analar kongresi” ilajı bolıp ótti. Onı institut direktorı A.Kaipbergenov basqarıp bardı.
Ilajda institut direkstiyası wákilleri fakultet dekanları, bólim baslıqları hám studentlerdiń ata-anaları qatnastı.
Qatnasıwshılarǵa institutta studentlerdiń oqıp bilim alıwı, bos waqıtların mazmunlı ótkeriwi ushın jaratılǵan sharayatlar haqqında maǵlıwmatlar berildi.
Bunnan soń institut janında jańadan shólkemlestirilip atırǵan “Ata-analar hám ustazlar baǵı”na dáslepki miyweli hám sayamanlı terek nálleri egildi. Ata-analar óz baslamaları menen egilgen usı nállerdiń kútimine perzentleriniń de juwapker bolatuǵının usınıs etti.
Ushırasıw qısıqlı hám este qalarlıqtay dárejede ótkerildi.
Qaraqalpaqstan xabar agentligi