Álbette, hár bir úyde kaktus bolıwı kerek. Sebebi ol úydiń atmosferasına júdá úlken tásir kórsetedi. Bálkim ol basqa gúllerge uqsap shıraylı kóriniske iye emes shıġar. Biraq onıń paydalı tárepleri kóp.

Máselen, kaktus insanlardı elektromagnit nurlanıwdan qorġaydı. Bul kópshilik isenetuġın keń tarqalġan belgi. Sol sebepli, ádette kompyuterler hám basqa elektr úskeneleri janında kaktuslardı kóriwimiz múmkin. Olar kóp ġana ásbap-úskeneler bolġan jerlerge jaylastırıladı.

Bunnan tısqarı, úy aġzaların jaman kózlerden saqlaydı. Kaktus unamsız energiyanı qaytaradı hám onı neytrallastıradı – sonıń ushın siz pútkilley qáwipsiz bolasız.

Biybisara Jartıbaeva,

QMU málimleme xizmeti hám jámiyetshilik penen baylanıslar tálim baġdarınıń 3-kurs studenti.

Qaraqalpaqstan xabar agentligi