Ózbekstan Respublikası Ministrler Kabinetiniń 2019-jıl 20-dekabrdegi «Isbilermenlik hám qalasazlıq iskerligin ámelge asırıw ushın bos turǵan jer uchastkaların beriw tártip-dástúrlerin jáne de jetilistiriw ilajları haqqında»ǵı 1023-sanlı qararı talapları tiykarında
2022-jıl I yarım jıllıq ushın isbilermenlik hám qalasazlıq iskerligin ámelge asırıw maqsetinde awıl xojalıǵına mólsherlenbegen bos turǵan jer uchastkaların elektron onlayn-aukcion sawdaları arqalı 0,01 gektar jer uchastkasın múlk hám ijara huqıqı menen beriwdi tártipke salıw maqsetinde, «Qaraqalpaqstan Respublikası Ministrler Keńesi haqqında»ǵı Nızamınıń 20-statyasına tiykarlanıp tiykarlanıp Qaraqalpaqstan Respublikası Ministrler Keńesi qarar etedi:

  1. Finans ministrligi, Mámleketlik salıq basqarması hámde Kadastr agentliginiń Qaraqalpaqstan Respublikası basqarması tárepinen usınıs etilgen 2022-jıl I yarım jıllıq ushın isbilermenlik hám qalasazlıq iskerligin ámelge asırıw maqsetinde awıl xojalıǵına mólsherlenbegen bos turǵan jer uchastkaların elektron onlayn-aukcion sawdaları arqalı
    0,01 gektar jer uchastkasın múlk hám ijara huqıqı menen beriwdiń eń kem muǵdarı qosımshaǵa muwapıq tastıyıqlansın.
  2. Nókis qalası hám rayonlar hákimleri Qurılıs ministrligi, Kadastr agentliginiń Qaraqalpaqstan Respublikası basqarması, Mámleketlik kadastrları palatasınıǹ Qaraqalpaqstan Respublikası basqarması menen birgelikte belgilengen tártipte yuridikalıq hám fizikalıq shaxslarǵa isbilermenlik hám qalasazlıq iskerligin ámelge asırıw ushın jer uchastkalarına múlk hám ijara huqıqı menen beriw maqsetinde ekektron aukcion sawdalarına shıǵarılıwın támiyinlesin.

Bunda, aymaqlarda jer uchastkalarına múlk hám ijara huqıqı menen beriwdiń eń kem muǵdarların belgilewde jer salıǵınıń jıllıq muǵdarı, jer uchastkasın tańlaw materialların tayarlaw jumıslarınıń bahası hám jer uchastkasına bolǵan huqıqlardı mámleket diziminen ótkeriwge tiyisli qárejetler, jer uchastkasınıń jaylasqan ornı, injenerlik-kommunikaciya tarmaqlarına jalǵanǵanlıǵın inabatqa alsın.

  1. Nókis qalası hám rayonlar hákimlikleri tárepinen elektron aukcion sawdalarında satılǵan jer uchastkalarınan maqsetli hám nátiyjeli paydalanıwın turaqlı monitorińgin alıp barsin hámde maqsetsiz paydalanıw jaǵdayları anıqlanǵan jaǵdayda jer uchastkasın hákimlik rezervına alıw ilajların kórsin.
  2. Mámleketlik salıq basqarması, Kadastr agentliginiń Qaraqalpaqstan Respublikası basqarması, Mámleketlik kadastrları palatası Qaraqalpaqstan Respublikası basqarması, Mámleket aktivlerin basqarıw agentliginiǹ Qaraqalpaqstan Respublikası aymaqlıq basqarması aymaqlarda bos jer uchastkaları hám ımarat (bina)lardıǹ belgilengen eń kem muǵdarǵa qatań ámel etiliwin hámde jergilikli byudjetke pul túsimlerin waqıtında hám tolıq túsiriliwin támiyinlesin.
  3. Mámleketlik salıq basqarması Nókis qalası hám rayonlar ushın jer uchastkalarınıǹ múlk hám ijara huqıqı ushın eń kem muǵdarları usı qarar tastıyıqlanǵan sáneden baslap bir kún múddette «Yerelektron» avtomatlastırılǵan elektron sistemasına kirgizsin.
  4. Qaraqalpaqstan Respublikası Ministrler Keńesiniń 2021-jıl 14-sentyabrdegi
    80-13-0-Q/21-sanlı qararı óz kúshin joytqan dep esaplansın.
  5. Qaraqalpaqstan Respublikası Ministrler Keńesiniń Málimleme xızmeti, Finans ministrligi, Mámleketlik salıq basqarması hámde Kadastr agentliginiń Qaraqalpaqstan Respublikası basqarması,Qaraqalpaqstan Respublikası Xabar hám ǵalaba kommunikaciyalar basqarması, Qaraqalpaqstan Respublikası teleradiokompaniyası, «Erkin Qaraqalpaqstan» hám «Вести Каракалпакстана» gazetaları redakciyası menen birgelikte usı qarardı belgilengen tártipte xalıq hám isbilermenler ortasında úgit násiyatlaw, maqalalardı baspadan shıǵarıw hámde ǵalaba xabar quralları arqalı biypul sáwlelendiriw usınıs etilsin.
  6. Bul qarar rásmiy daǵaza etilgen kúnnen baslap kúshke kiriwi belgilep qóyılsın.
  7. Usı qarardıń orınlanıwın nátiyjeli shólkemlestiriwge juwapker hám jeke juwapker etip Mámleketlik salıq basqarması baslıǵı X.Bekchanov, Kadastr agentliginiń Qaraqalpaqstan Respublikası basqarması baslıǵı I.Tleuov belgilensin.

Qarardıǹ orınlanıwın talqılaw, atqarıw ushın juwapker shólkemler jumısın muwapıqlastırıw hám qadaǵalaw Qaraqalpaqstan Respublikası Ministrler Keńesi Baslıǵınıń birinshi orınbasarı N. Erlepesovqa júklensin.

Qaraqalpaqstan Respublikası           

  Ministrler Keńesiniń Baslıǵı                                                      Q.Sariyev